Rusiya Əfqanıstandakı məscidə hücuma münasibət bildirdi


Eastnews.org-un verdiyi xəbərə görə, Rusiya Xarici İşlər Nazirliyinin mətbuat katibi Mariya Zaxarova Əfqanıstandakı məscidə edilən hücuma münasibət bildirib.

 

Əfqanıstanın Qəndəhar şəhərində son məlumatlara görə 40-dan çox insanın həyatına son qoyan şiələrə aid bir məscidə edilən hücumu qınadıqlarını vurğulayan Zaxarova bu hücumun "Taliban" Əfqanıstanda hakimiyyətə gəldikdən sonra şiələri hədəf alan ilk fəaliyyət olmadığını vurğulayıb.

 

Zaxarova "Aydındır ki, bu cür aksiyalar təşkil edənlər məzhəblərarası qarşıdurmaya və vətəndaş müharibəsinə səbəb olmaq məqsədi güdürlər", - deyib.

 

Hücumun səbəbkarlarının müəyyən edilərək ağır cəzalandırılacağını ümid etdiklərini ifadə edən Zaxarova hücumda ölənlərin ailələrinə və yaxınlarına başsağlığı verərək, yaralıların da tezliklə sağalmasını arzulayıb.

 

Zaxarova, həmçinin "Əfqanıstan hökumətini bütün ölkə daxilində təhlükəsizliyi təmin etmək üçün əlavə tədbirlər görməyə çağırırıq", - söyləyib.




Mənbə: Sputnik Oxunub: 239 dəfə; Tarix: 2021-10-16 14:46
Yaxın Şərq və Dünya xəbərlərini Eastnews.org-un facebook səhifəsindən izləyə bilərsiniz.

Sosial səhifələrdə paylaş


Xəbərlərdən istifadə zamanı EastNews.org saytına istinad vacibdir.













Xəbər lenti

Çox oxunanlar

Sorğular

Sudandakı gərginliyin nəticəsi necə olacaq?




Facebookdan bizi izləyin!

Twitterdən bizi izləyin!

Instagramdan bizi izləyin!